改編自世嘉經典遊戲嘅《超音鼠大電影》，從一開始被人鬧爆角色造型詭異，到後來大執一番重獲觀眾認可，可以算得上係影視界百_成材嘅一個好例子。今日派拉蒙影業就喺TGA會上公開續集首條預告片，除咗Sonic、蛋頭博士會回歸演出，今次仲加入納克魯斯（Knuckles）同塔爾斯（Tails）兩位新角色，預計2022年4月上映。

今次劇情講述Sonic定居綠山鎮後準備展開新生活，但蛋頭博士帶埋新拍擋納克魯斯（Knuckles）回歸作惡，到處尋找一粒蘊含強大破壞力量嘅綠寶石。Sonic聯同塔爾斯（Tails）隨即踏上尋石之旅，務求搶先蛋頭博士搵出綠寶石。

由於當初Sonic嘅造型太過「寫實」而引嚟一致負評，官方隨即宣布重新設計並延期上映，最後大執完一輪成功挽回Fans信心，喺美國上映首周票房更打破同為Game改電影嘅《POKÉMON 神探Pikachu》紀錄，最終收得3.19億美元票房。