繼上星期古天樂喺個人IG貼出神秘短片宣傳新作《明日戰記》，今日古仔就搵嚟前大台記者伍家謙扮新聞報導，講述有粒帶有生命跡象嘅隕石即將襲港，約定大家12月17日晚上8點，留意身邊嘅大型TV Wall，同埋港鐵、巴士站嘅屏幕。似乎暗示到時會有大型宣傳活動，神神秘秘咁，唔知會係咩呢？

為宣傳科幻新作《明日戰記》，今次古仔搵嚟前大台記者伍家謙「重操故業」，之不過就唔係報體育，而係假扮特別新聞報導，講述科學家發現有粒隕石即將襲港，並偵察到上面有生命跡象，好有可能係外星生物，預計撞擊時間係12月17日晚上8點，空戰部隊已經出動，呼籲大家密切留意事態發展。

（圖片來源：古天樂IG）

可能怕有網民會誤會，宣傳團隊都畫公仔畫到出晒腸，喺影片簡介叫大家到時留意身邊大大小小嘅數碼屏幕，估計係公布新預告片同上映日期，唔知係咪出年賀歲片呢？