Disney+初登香港時，其中一大賣點就係擁有大量本土化內容，唔少作品都包含中文（香港）字幕甚至粵語配音，等觀眾可以睇得更加投入。最近有網友就發現《阿森一族》（The Simpsons）其中一集字幕驚現「林鄭月鵝」！

最近有網民發現Disney+嘅《阿森一族》第32季第12集《日記皇后》，其中一幕講到Lisa因為出蕁麻疹而去睇醫生，被問到最近有咩事令佢感到困擾嗰陣，Lisa就話都係嗰啲全球災害、AI取代人類以及「the cold dead eyes of Mike Pence（前美國副總統彭斯）」等等。

不過有趣嘅係，當字幕轉做中文（香港）嗰陣，呢句說話就會變成「還有林鄭月鵝那對冰冷的死魚眼」，轉做中文（繁體）就變成「瀨蜻德」，而轉簡體就會係直譯「迈克．彭斯」，Disney+嘅字幕果然夠晒地道。