Elon Musk曾經話過要做一部只賣 2.5 萬美元的親民電動車提高電動車普及率，不過可能由於旗下4680 電池產量嚴重不足，近日再被問及親民2.5萬購價新車型時馬斯克話Tesla內部無人在意推進這架車的研發，因為實在太多事要處理，好唔得閒噃（too much on its plate）。曾被內地媒體稱為「Model 2」的平價車型係最新的 4680 電池產量正常夠多時相信可以實現，但如今2年內都唔會再推新車，因為Elon Musk最新發表話今年和明年最重要的產品將不是新車，而是全自動駕駛軟體及預期能協助生產工作的人形機械人。

2020年Tesla電池日明明Elon Musk話會開發2.5萬美元親民電動車，不過最近就講明2年內都唔會有新車！公司如今無時間唔得閒處理新車研發！據講新親民電動車價錢只需2.5萬美元，使用最新的 4680 電池，並且配備全自動駕駛系統。相關車型一度被非官方稱為「Model 2」，並有多次傳出消息話會係中國研發、生產，製造。當時Elon Musk話之所以會將價位定於 2 萬 5 千美元，係因為預計新電池將可降低車輛成本約 50%，再加上一些微調後，原本 4 萬美元的 Model 3 要下調到 3 萬美元以下，是完全可實現的目標。

Tesla大型拖頭Semi 係目前唯一可以有車交貨的4680 車，不過因為電池產量不足，只能少量交貨畀最早訂貨大客戶例如百事可樂，就已經獲得第一批 Semi。係電池生產嚴峻情況之下，唔好話國民平價車，連做完已收訂的新車已經做唔完，想買平Tesla車等多幾年都唔知有無！不過Tesla今年目標應該係正式推出全自動駕駛軟件！