NFT項目越來越多人留意及參加，其升值潛力亦越發誇張，早人一步入手可能係目前嘅置富之道。其中全新NFT項目《Who Is This Boy》經已喺2022年1月下旬隆重登場，由香港、美國、台灣、馬來西亞、新加坡等地組成嘅專業團隊創作而成，佢哋打造出一連9個世界嘅全新Metaverse元宇宙世界地圖。《Who Is This Boy》首8個角色將分別推出999個NFT，而最後第9個角色則以極限量形式發售，同時不容錯過當中嘅尋寶遊戲 — 凡於100日內集齊9個世界特定NFT，即有機會獨得40ETH（約港幣100萬）。

係咪聽到都心郁郁呢，而喺早前預售第一世界「The Boy」，於開賣後8分鐘內已經火速售罄120個限額，其餘879個NFT之後亦告售罄；而第二世界「Marvel Goose」將於香港時間2022年2月15日晚上8時以盲盒形式開賣，售價為每個0.15ETH！

《Who Is This Boy》靈感來源自一個貧窮家庭嘅小男孩，喺奇幻世界入面出現一個名為「Who Is This Boy」嘅尋寶遊戲，當中每個人都努力尋找線索，去奪得改變人生嘅終極大獎。而創作團隊希望喺現實社會中每個人亦都有機會成為呢個小男孩，去贏取40ETH嘅終極大獎。「一切皆有可能」，你又準備好未？

《Who Is This Boy》中9個世界嘅NFT特點在於結合人手設計及隨機生成元素。喺第一世界「The Boy」中推出嘅999個NFT，其中有269個係由人手設計嘅極罕有NFT，每一個經典角色都能引起大家共鳴，極具收藏價值；其餘730個NFT則由隨機演算法生成，每個均獨一無二。而為獎勵早期《Who Is This Boy》支持者，所有擁有第一世界「The Boy」NFT嘅持有人，即可加入創作團隊下一個NFT計劃嘅白名單。而該269個極罕有NFT嘅擁有者更可於2023年獲得其專屬27.5吋高3D版「The Boy」模型1個，以示感謝。

今次《Who Is This Boy》尋寶遊戲為期100日，由第一世界「The Boy」公開發售日起計（即香港時間2022年1月31日凌晨12點），需於2022年5月11日晚上11時59分前完成方可作準。整個遊戲將分為9個世界，讓大家一同喺唔同章節中歷險，角色包括The Boy（小男孩）、Marvel Goose（敏捷貓）、Piggy（蠢蠢豬）、Captain Pillar（方形蟲）、Pui Pui（迷你鼠）、Chick（麻煩雞）、Blobfish（醜陋魚）、BNW（懶惰熊），以及最後嘅Tamago（彩蛋）。

在擁有「The Boy」後，《Who Is This Boy》會於及後7個世界每階段推出999個NFT，參加者需在每階段獲得至少1個NFT先可以參與遊戲。在每個世界嘅NFT公開發售後第三日，官方會公佈該階段嘅得獎屬性 — 凡擁有指定背景顏色嘅角色NFT即合乎資格，名額共100個。而最後一個世界嘅彩蛋「Tamago」角色則以極限量形式發售。另外，每階段嘅NFT公開發售後，官方更有機會加碼額外獎賞。

只需符合以下3個條件：

1) 1隻「The Boy」NFT

2) 7隻分別來自7個世界並具備過關條件的NFT

3) 1隻彩蛋「Tamago」NFT

即可連同個人OpenSea帳戶中嘅 9 個NFT屏幕截圖，發送電郵予《Who Is This Boy》團隊，經核實後而又最先合乎條件嘅參加者將會獨得40 ETH大獎。《Who Is This Boy》團隊將於尋寶遊戲結束後2至3個工作天內，在官方平台上公佈勝出者；連同尋寶遊戲嘅大贏家，共30名最先合乎條件嘅參加者，亦能透過空投免費獲得創作團隊下一個計劃嘅NFT角色。