Marvel電影世界自《Avengers: Endgame》後雖然仍然在繼續，但故事路線看似需要重新規劃，究竟未來路向係點就需要長時間一點點建構。而近日Marvel總裁Kevin Feige就接受節目訪問，其中明確表明《Avengers: Endgame》會係《Avengers》系列嘅最終章。

2008年第一套Marvel電影《Iron Man》上映至今，已經相隔14年，期間已經推出左22套電影。而黎到MCU第四階段，Feige就咁樣評論：「我們會發展去到邊？我們會從邊度開始？我們真正想做嘅事有兩件：從全新角色、新嘅故事線開始，但亦都要返到 Marvel Comics 中最豐富、最深刻嘅神話。」

當然，唔少Fans都期等第四階段會出現《Avengers 5》，讓一眾舊英雄同新英雄可以再次集結。不過Feige就覺得現階段應該唔會開拍，因為新MCU世界需要好似第一階段咁為一眾英雄建立故事，咁樣先可以再舖設聚集所有英雄嘅故事。