{ SKIP }
文:MenClub 魏文青  
POSTED ON 25 Feb 2022

由Matt Reeves執導,Robert Pattinson主演嘅《Batman》將於3月上映,而就目前釋出嘅情報、預告黎睇,外界對於電影都持有正面期待,甚至已經有衍生劇集籌備當中,似乎就會開啟開一個電影宇宙。而導演Matt Reeves近日接受外媒訪問時,就直認目前正在開發續集,希望打造一個更大嘅《Batman》世界。

Matt Reeves日前於《Batman》首映紅地氈上接受《Independent》嘅線上直播訪問時,被問到新如果《Batman》反應好好,會唔會有計劃開續集,而Matt Reeves就回應:「你唔會預計住有續集咁去拍一部電影。拍第一集嘅時候你就要盡力去做,而且個故事本身要站得住腳。但我對於我哋嘅成品好有信心,亦都好想講更多故事——我哋目前已經會於HBO Max與Colin Farrell合作拍攝企鵝劇集,亦有其他計劃籌備緊,而我哋都開始講緊下一部電影。」

Matt Reeves對續集的回應 (54分鐘開始)

雖然目前唔知《Batman》續集嘅故事會講啲咩、幾時上,但按慣例估計都係會帶出更多Batman經典反派。而Robert Pattinson早前接受訪問時,就話自己曾經向Matt Reeves提出要拍三部曲,自己亦願意再次出演Batman/Bruce Wayne一角。

資料來源:Independent

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025