{ SKIP }
文:MenClub 波特先生  圖:互聯網
POSTED ON 27 Feb 2022

經典日本國民動漫《龍珠》,主要圍繞悟空及比達兩位撒亞人,而佢地毫無疑問就係保護地球嘅外星人(當然包括悟飯等混血撒亞人)。不過原來,保護地球嘅龍珠戰士當中,除左撒亞人同那美星人之外原來仲有另一外星人,佢就係天津飯。

相信有睇開《龍珠》嘅朋友,基本上都會認為守護地球嘅龍珠戰士均由撒亞人、拿美星人及地球人組成,撒亞人當然就係包括悟空及比達家族,而地球人就係由龜仙人、無限、阿樂等人組成,拿美星人當然就係魔童。不過原來除左呢三個主要派系之外,龍珠戰士原來仲有另一個血統嘅外星人 - 「三眼星人」天津飯。

在《龍珠》官方設定資料《七龍珠大全集》中,就有明確指出天津飯其實係一名叫「三眼星人」嘅宇宙人後裔,更因為其特殊體質,在外觀上成功保留左祖先第三隻眼嘅特徵,所以佢根本唔係一名地球戰士來的。

天津飯一開始係龜仙人死對頭鶴仙人嘅弟子,性格惡劣但實力高強,絕對係悟空等人嘅勁敵。不過後來與悟空等人嘅對決後,開始改邪歸正,由殺手慢慢變成一名武術家,並致力增強自己實力去保護地球。

如果要數天津飯嘅高光時刻,相信就必定要數面對想吸收18號嘅斯路,佢不斷利用自己嘅「新氣功炮」去阻止斯路接近18號,並為後者爭取逃走嘅時間,最終差啲力竭身亡。

雖然到故事後期天津飯嘅實力已經不值一提,但都叫做喺《龍珠超》入面成為第7宇宙嘅代表之一,算得上係地球上最出色嘅戰力之一。

不過話又說回來,講真一見到天津飯其實見到佢有三隻眼又點會覺得佢係地球人呢? 除非你覺得佢係二郎神啦。

Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025