{ SKIP }
文:MenClub 魏文青  
POSTED ON 03 Mar 2022

目前身在白羅斯協助烏俄和談嘅俄羅斯油王艾巴莫域治 (Roman Abramovich) ,昨日宣佈賣盤車路士,並會將賣盤賺到嘅所有錢捐出,協助烏克蘭戰爭受害者。消息一傳出,唔少車迷都對失去呢位可能係史上玩「金錢足球」玩得最成功嘅班主而婉惜,但唔使驚!因為冇咗油王,你哋可黎迎來一個拳王呀!

卻說車路士賣盤嘅消息傳出冇耐,Conor McGregor就喺Twitter貼出一張WhatsApp對話截圖,似乎就係佢同自己嘅團體講「車仔放盤30億英鎊喎!賣囉我哋!」而帖文亦標記咗車路士官方Twitter,加多句「我想傾下」,睇落好似好認真咁喎!

今次亦唔係Conor McGregor「話」自己想入主球隊,本來就係曼聯迷嘅佢,之前曾經講過想收購曼聯,結果當然就係冇咗回事。今次佢又話想收購車路士,你估佢有幾多成真呀啦?

圖片:截圖自Twitter

但網民們嘅就擺明當佢吹水兼當笑話,最主要就係話佢邊有錢!有網民就話依家車仔標價30億鎊,「你哋有冇人Google過 McGregor有幾錢身家?得嗰億幾,佢賣鬼到咩!」、「你估你玩緊FIFA 職業模式咩!」、「你夠唔夠錢買賀蘭特 (Haaland) 呀?」、「3X% 嘅新特蘭賣千一萬咋喎,對你黎講實際啲」,最Mean嘅一個留言就係「如果唔可以賣蘿柚3鎊被拮一嘢,你有啲咩係買到架?」反正大家都認為Conor McGregor冇錢扮四條,完全當佢係笑話咁睇。

經典恐怖電影系列《恐懼鬥室》在2023年推出第10集《恐懼鬥室X》,難得喺爛番茄獲得正面評價並斬獲1.12億美元。片商獅門影業見勢頭好,亦即刻宣布開拍續集。不過,最近有消息指由於製片人之間出現拗撬,電影已擱置製 ...
hobby
【影視】消息指《恐懼鬥室11》因製片人內訌導致取消製作
18 Mar 2025
如果《John Wick 5》冇Keanu Reeves嘅話,仲能唔能夠吸引觀眾入場呢?
hobby
【影視】獅門影業確定製作《John Wick 5》 Keanu Reeves會否回歸仍然是謎
17 Mar 2025