相信唔少爛瞓嘅朋友，都會喺電話校十幾廿個鬧鐘叫醒自己，誇張嘅話可能每隔2分鐘就響一次，確保自己一定唔會遲到。最近日本樂敦製藥就借用咗呢個Idea，設計咗個創意車廂廣告，瞬間引起大量打工仔及學生共鳴。

最近日本網友「ゐずみ（Twitter@Monyaizumi）」就喺Twitter分享佢所見到嘅有趣廣告，從相中可以見到知名眼藥水品牌「樂敦製藥」用一連串嘅鬧鐘圖示貼滿地板同車廂側面位置，而車頂更掛住一張寫上「早上，不行。」嘅海報，驟眼睇已經非常吸引眼球。

但最抵死嘅莫過於鑲喺牆上，寫住「請注意周圍，大家嘅鬧鐘畫面都係咁樣」、「你部電話係咪都咁樣？」嘅藍底白字海報，而Post主亦都好識趣咁拎部校滿鬧鐘嘅電話出嚟同海報合照。由於個廣告實在令人太有共嗚，截至目前該貼文已獲得27.5萬個like，5萬幾次retweet，唔知大家嘅鬧鐘係咪都咁set呢？

「朝に二度寝をしてしまう大半の理由は、実は目の渇きを眠気と勘違いしているせいなので、目薬をさせば一発」

という割と有用な知識を認知するための取り組みらしく、ご協力させていただきました。 pic.twitter.com/cXunFxvQX0

— ゐずみ (@Monyaizumi) March 6, 2022