達拉斯球星Luka Doncic今季表現依舊出色，目前場均取得28分8.7助攻9.2籃板1.2偷球，助球隊打出40勝26負戰績，排名西岸第五。而早於2019年就簽約Jordan Brand嘅Luka，雖然已經成為NBA嘅當紅炸子雞之一，但至今都未有個人簽名籃球鞋推出，不過近日就有消息今年Jordan Brand將會正式為佢推出。

據最新消息指，Jordan Brand將會為Luka推出 Jordan Luka 1 個人簽名籃球鞋款，並將以多配出發售，預計籃球鞋顏色將主要以達拉斯球隊配色為主。

雖然鞋款並未曝光，但去年已出現嘅Luka個人專屬Logo，就已經喺Air Jordan 36上面登場，Logo取其77號背號，加上Luka Doncic嘅「L」及「D」，以及組成嘅S則代表出生地斯洛文尼亞。Logo嘅意思除左同其出生有關外，亦代表住無限循環及閃電嘅含意。