唔少電影都會於上映後推出拍攝花絮，等Fans們知道電影係點樣製作出黎、演員們於鏡頭外嘅互動又係點。另一邊廂，動畫就因為唔係「拍」出黎，理應就冇所謂嘅拍攝花絮，但日本畫師「るーと」近日就創作咗一批《龍珠》拍攝花絮圖，都幾有趣架！

撮影現場
Shooting site#ドラゴンボール pic.twitter.com/R1gdb5qNAA

— るーと (@ruto830) March 12, 2022

「るーと」本來就係以創作「龍珠角色看到的景象」為主，就例如大家喺動畫中以第三者角度見到悟空與菲利打到難分難解，而喺菲利本人眼中見到嘅就係悟空嘅拳拳腳腳咁。而今次嘅創作就稍有不同，係假設《龍珠》歷代OP、ED中嘅名場面真係要「拍」出黎嘅話，會係一番點嘅光景。例如《龍珠Z》嘅其中一個片尾曲，係見到小悟飯於一個細小草地星球上跑，而悟空等其他角色就喺面跟住，魔童就於畫面左方由上而下咁飛過。「るーと」就將呢個畫面畫成一個超大型嘅拍攝場景，大家真係喺個大波波上面跑，而魔童就倒吊降下。

又例如進入《魔人布歐篇》後，動畫嘅ED係悟飯一路向前行，然後遇上不同嘅角色，經「るーと」創作後就成為所有人都喺個巨型跑步機上。

舊版《龍珠》動畫開頭就係莊子望窗，「るーと」就創作成係小悟空揸機嘅作品。