世界炸雞快餐皇者「肯德基」推出一個自家炸雞免費圖庫網站「chickenstock」，將所有肯德基出售單點食品到一切套餐甚至官方商品形象等全數付上，高畫質圖片一應俱全並寫明歡迎用家免費下載！而其建立網站同推出理由都非常簡單又有趣：因為肯德基頂唔順覺得其網上炸雞圖素材略被盜圖情況嚴重而且畫質極低。如果想用肯德基炸雞相，唔該用高清靚靚官方素材！不過官方圖片太靚怕唔怕食家叫個雞餐發覺貨不對版照騙連連！

肯德基圖素網站「chickenstock」劈頭第一句歡迎詞係「想盜用我地炸雞圖嗎？可以，但請做好少少。」官方認為網上發現太多第三方商家非法使用肯德基炸雞圖素作為自己的商品圖片，更重要被盜用圖片畫素都相當低，所以肯德基情願先開放自家靚圖任你用，讓所有人都可以免費下載。肯德基在網站上表明「雖然別人可以拿我們的圖片，但他們拿不走我們的味道。」不過係截稿之時肯德基圖素網站大受歡迎，一直處於網絡擠塞狀態，唔知係官方玩野長期塞爆定真係咁多人有興趣睇高清炸雞圖片！有興趣大家都不妨去「chickenstock.net」觀摩一下 ！