好多人認識一個詞「躺平」，其實躺平未必等同咩都唔做，尤其係大自然法則之下，簡簡單單唔郁其實都係一種務實生活方式，今日介紹一個正經非愚人節逼真模擬遊戲《樹模擬器 2023》（Tree Simulator 2023），唔好睇少要模擬扮作一棵樹，遊戲成2.3 Gb容量，好認真好完美去做一棵樹，非惡搞堅模擬遊戲中會係一個與世隔絕天堂般地方，選好位置安放自己認認真真模擬一棵樹，只需要好好站著沐浴於大自然當中吸收日月精華就可以！玩家可以好好體驗扮演一棵樹的樂趣。

這遊戲好細膩好認真，美麗而高貴，遊戲由獨立遊戲團隊 Revmatek製作安裝容量高達 2.3 Gb，目的就係想讓玩家好好地體驗扮演一棵樹的樂趣。玩家係遊戲中只能扮演樹，可以選擇當唔同種類的樹包括棕櫚樹、松樹或大杉樹，不過作為一棵樹大家只能做一件事，就係好好咁站著企係度，沐浴於大自然精華當中被狂風雨水陽光啟迪心靈。

遊戲中真係咩都唔做得？其實有個空白鍵可以試試跳的，不過樹就係樹，係跳唔起，所以會獲得 Steam 成就Winderful鼓勵玩家的勇於嘗試。你可能會懷疑做樹唔郁得有咩好玩！？其實模擬遊戲係各有玩法RPG又係模擬，FPS又係模擬，點解唔可以靜態地模擬做一棵樹？對了呢個遊戲係網絡遊戲，遊戲大廳可以容納唔同的人一齊玩，你會見到其他人的名同不同樹的定位，當有人進入遊戲大廳你就會見到佢選擇位置，移來移去，當佢選好位置就會同你一樣成為一顆樹，大家見到大家，好好地當一顆樹！世界是那麼美麗但平靜！《樹模擬器 2023》已在 4 月 1 日推出。注意愚人節已經過咗這是真的！