【辱左都唔知】小粉紅圍《派對咖孔明》Twitter抗議話動畫一幕背景車牌「討厭支那」

辱華來講有時解釋完都無人覺，不過利害在於有人在意仲搵到當中辱華細節，話說四葉夕卜原作搞笑漫畫《派對咖孔明》動畫播映緊。而超級玻璃又眼利的網民居然能夠發現第 3 集某一幕背景車牌號碼「47-291」日文讀音類似「討厭支那」（支那為古代異國對中國的舊稱，日本討論區多以「支那」代稱中國，也是其日文發文），大量中國網民因而轉往官方推特抗議，要求官方道歉。真係睇完都唔知咩事，咁就「辱」左啦！？

最先搵到辱華細節的可能都唔係小粉紅，反而係日本 論壇 kokopyon，之後輾轉就轉到中國 NGA 論壇。車牌號碼「47-291」日文讀音類似「シナ 憎い」（SHINA NIKUI，討厭支那），而且原作漫畫並沒有出現車子，是動畫組另外加插。目前官方尚未針對此事作出回應。

當你考慮緊「47-291」到底有幾侮辱時，其實《派對咖孔明》中文區代理僅限影音平台 Bilibili 台港澳，係中國內地其實並無正式代理。即所有睇《派對咖孔明》的中國朋友都係非法觀看！咁算唔算辱日？