講心唔講金二千蚊打造千年鷹睡房

文：MenClub 魏文青　　圖：互聯網
POSTED ON 05 May 2015

有時我都諗唔明，究竟係香港人懶得去諗一啲特別嘅家居設計，定係香港地啲樓真係起得咁Q衰，根本就冇得你設計。如果唔係，點解個個啲屋企嘅設計其實都大同小異？但你唔好同我講係因為錢嘅問題－－人家去起呢個「千年鷹」睡房都係用咗250美金(約1940港元)咋！

呢兩張相係由「edmcgowan」喺一年前放上「imgur」同人分享。話說「edncgowan」同佢哥哥兩個人都係室內設計師，而呢種特別設計就係佢哋嘅賣點。咁既然幫人設計得，冇理由唔益自己人，於是就幫班姪仔設計咗呢張「千年鷹」睡房。除咗有駕駛艙同床之外，機翼延伸出一張書枱，再喺窗前加上艙門，而且睡床仲附有風扇。初步完成(上圖)只係用咗250美金，今年上埋色，加埋條梯之後(下圖)仲鬼咁逼真添！

2000蚊，分分鍾你買對波鞋或者去次台灣淨係機票酒店都相差冇幾啦！錢又點會係問題呢，睇你有冇心架啫！