六合彩或樂透彩票，一係中一係唔中！但如果同時50人一齊中頭獎，唔知開心定唔開心好，唔中的肯定唔開心，自然會話咁巧合有50個一齊中肯定係人為操作即造馬。正所謂好人一生平安，同50個人分頭獎彩金你估中左又單純好開心？

人生中頭獎彩金的機會有今生無來世，不過今期南韓樂透更加離奇開出50注中獎大贈送，一期彩金由50位幸運兒同分共苦！有無咁巧合？世事就係如棋，南韓樂透玩法係「45個號碼中任選6個」，而6月11號開出第1019期樂透頭獎號碼依大小排列分別為「1、4、13、17、34、39」以及特別號「6」，只要除特別號外的6個號碼全中就可以贏得頭獎，而今期破紀錄竟有共50注頭獎得主、每注可分到4億3856萬5140韓元（約260萬港幣）。之前的最高記錄都試過2013年5月18日第546期的30注頭獎。

根據南韓企劃財政部的彩券委員會指出，此次中頭獎的50注當中有42注自選號碼、6注電腦選號和2注為自選加電選。值得注意的是，歷年頭獎出現最多次的「前7大號碼」中這次就出現了6個，包括1（174次）、4（168次）、13（172次）、17（172次）、34（177次）和39（168次）。咁誇張的派彩，成功令南韓樂透成為全球小報們的熱門話題！有人就質疑世界無理由咁好運有50人齊齊買中同一組號碼，明明平時都無人中！故有人質疑如此巧合稱「沒有人為操縱可能嗎？」，對此樂透相關負責人表示「中頭獎本身機率是814萬分之一，這確實可視為巧合」。其實50人同500人中對我來講都係一樣，最緊要下期我中就得啦！