一生人必須豪一次，如果你肯花11萬美金，就可以參加迪士尼最推推出「玩遍全球迪士尼樂園－私人飛機大冒險」套餐行程。全團75個位一齊搭私人飛機遊遍全球12個迪士尼，行程仲會去埋其他著名景點包括印度泰姬陵（TajMahal）及埃及吉薩金字塔群（Pyramids of Giza），仲有天行者山莊（Summit Skywalker Ranch）「星際大戰」豪華度假村同迪士尼遊輪等。唯一需要挑剔係行程似乎太豐富太趕，24日肯定無法舒舒服服嘆世界，但人生一次過打卡去哂咁多迪士尼加埋VIP證，相信都不枉此行！咪住你真係覺得你買到飛？可能難買過 Mirror演唱會 ！

迪士尼（Disney）宣布將會帶領75名VIP超級迪士尼迷環遊世界，以24日時間內玩遍全球12個迪士尼樂園及其他著名歷史景點，整趟行程費用將近11萬美元。如果以行程的Check pounit計，又唔算貴！距離大家出發仲有一年時間！「玩遍全球的迪士尼樂園－私人飛機大冒險」套裝行程，將會係2023年7月出發跟團75位超級粉絲出發世界各地，以迪士尼VIP的身分暢玩加州、東京、上海、香港、巴黎和佛羅里達等等迪士尼度假村。24日內，仲會去沒有迪士尼樂園的國家停留遊玩，包括參觀印度泰姬瑪哈陵（TajMahal）和埃及的吉薩金字塔群（Pyramids of Giza）。

宣傳手冊話呢場「人生願望清單冒險」行程包括「千載難逢機會」成為天行者山莊（Summit Skywalker Ranch）貴賓。入住由「星際大戰」導演George Lucas位於美國舊金山郊外的豪華度假村。團員們將搭乘冰島航空（Icelandair）為VIP安排可以長程飛行波音757班機，直飛目的地，令遊客於每個城市都可以更有效利用時間。除左電影、電視節目和主題樂園外，迪士尼公司（Walt Disney Company）長期來都提供包括遊輪在內的行程。

兩人同行平均收費為10萬9995美元，一人報名就要額外支付1萬995美元費用。兒童必須年滿12歲先可以參加，大小同價，整個旅程不包括前往洛杉磯和從奧蘭多出發的首段和末段機票交通安排。唔知呢75人VIP中，有無香港人搶到門票呢？又大家有無心動？