有睇過《鋼之鍊金術師》嘅朋友都知道，主角愛德華及弟弟艾爾凡斯為咗復活媽媽，不惜觸犯禁忌進行人體煉成，結果愛德失去左腳及右手，而艾爾就失去整個身體，靈魂被固定一幅鎧甲上。

為重現經典，最近日本金屬器具品牌IRON FACTORY就推出1:1比例艾爾凡斯頭盔，以3D建模技術製作模具，再透過自家工廠Castem嘅「精密鋳造技術」，將不鏽鋼加溫至1700℃後注入模具而成，長40cm、寬30cm、高30cm，重達高達11kg。官方亦溫馨提示各位買家：「雖然頭盔尺寸適合佩戴，但請作為裝飾品使用。」

「《鋼之鍊金術師》艾爾凡斯 1:1 金屬頭盔」目前已於官網開放預購，售價為165,000日圓（約$9,300港幣），首批買家仲可獲贈精美收納木盒一個，送完即止。