由「邦女郎」Ana de Arma主演嘅瑪麗蓮夢露傳記電影《Blonde（金髮夢露）》將於9月27日正式上架，同時亦係Netflix首部NC-17(17歲或以下不得觀看)原創電影，唔知尺度會有幾大膽呢？

從預告可見，電影大膽重構瑪麗蓮夢露嘅傳奇一生，探討夢露為人所知及不為人知嘅經歷。一方面係流行文化及性感嘅象徵，激發無數女性嘅明星夢，而另一方面，佢亦係一位受盡歧視待遇嘅年輕女性，需要透過身體推銷各種產品，並根據公眾期望身塑造形象。正如Ana de Arma於片中所講：「我已經無法繼續扮演瑪麗蓮夢露，我走出更衣室時就係Norma Jeane（夢露本名）...瑪麗蓮夢露只存在於銀幕上。」

《Blonde》由紐西蘭導演Andrew Dominik執導兼撰寫劇本，故事改編自美國作家Joyce Carol Oates同名暢銷小說，內容描述一代性感女神瑪麗蓮夢露嘅私生活（虛構，非真實傳記）。另外，《The Pianist（鋼琴戰曲）》奧斯卡影帝Adrien Brody將飾演夢露第三任丈夫Arthur Miller、Bobby Cannavale飾演夢露第二任丈夫棒球運動員Joe DiMaggio。