現年47歲嘅Leonardo DiCaprio，除咗係全球公認嘅影帝，私底下亦係一個風流倜儻嘅「超模殺手」，歷年嚟交往過嘅女友多達57位，而且位位都唔超過25歲！最近就有外媒爆料，指Leonardo DiCaprio早前與剛滿25歲嘅女友Camila Morrone分手，究竟係咁啱得咁橋，定抑制係原則嘅問題？

Leonado DiCaprio與阿根廷超模Camila Morrone於2017年墜入愛河，一直愛得火熱，多次被狗仔隊拍到出雙入對，更喺2020年共同出席奧斯卡頒獎典禮，係繼Gisele Bundchen之後，第二位陪Leon走過紅地毯的女友，甚至有傳兩人前年已開始同居生活，所以外界都睇好佢哋能夠拉埋天窗。

但好可惜，據外媒《People》報導，兩人已於早前和平分手，而分手時間又咁啱係Camila Morrone剛滿25歲後幾個月，令網友紛紛表示「不超過25歲」感情魔咒果然靈驗！唔知往後有冇女士能夠打破魔咒，收服呢位情場浪子呢？