格鬥遊戲《街頭霸王 Street Fighter》入面多位角色都是經典之中的經典，每一招絕招相信一聽你都知係邊招。而近日，呢款遊戲就聯同CASETiFY推出全新Crossover手機配件系列。

今次推出嘅《街霸》x CASETiFY 聯乘系列入面，相信最令人期待嘅一定係限量版春麗透鏡手機殼，設計選用春麗近乎於每一場格鬥入面都會使出嘅招牌必殺技「百裂腳」，由於其易於使出和高辨識度嘅原因，所以今次亦都特意選用春麗嘅呢招絕招去特別製作。

而今次合作亦特別紀念《街霸》系列誕生35週年，從獨特遊戲起始畫面到為人熟悉嘅戰鬥場景，所有配件產品均向《街霸》所帶來嘅創新遊戲體驗致敬：如取材自選擇角色畫面嘅手機殼，以鏡面取代其中一個方格，讓粉絲們能夠幻想自己化身成遊戲內嘅角色一樣。而 CASETiFY 產品特點之一嘅個人化設計，是次亦將應用在 3 款 Battle Case 上， 粉絲們可自由加入自己嘅名字，分別迎接春麗、阿龍及軍佬 3 位主角嘅挑戰！

除手機殼外，今次系列亦備有包括 AirPods 及 AirPods Pro 保護殼、MagSafe 無線充電板、手機支架及不鏽鋼保溫瓶等配件。而成功登記優先選購名單並透過預售連結購買今次系列任何產品嘅顧客，將更有機會免費獲贈特別版紙板模型乙個，摺出自己專屬迷你《街霸》街機。