1992年巴塞隆拿奧運會，美國田徑運動員劉易斯(Carl Lewis)憑藉亮眼表演成為全場焦點，而同時間吸引到全城矚目嘅就梗係其腳上嘅 SKY MEDAL 鞋款。

SKY MEDAL 喺巴塞隆拿奧運會夥拍劉易斯取得大成功後，成為不少跑友夢寐以求嘅超級跑鞋，是以在 MIZUNO 於 1993 年正式將鞋款推出市場，而鞋款亦不負眾望成為品牌經典之一。

30年間，MIZUNO 不斷推陳出新，SKY MEDAL 早已從跑鞋界引退，不過隨著 MIZUNO SPORTSTYLE 成立，曾經風靡一時，有著多年歷史嘅 SKY MEDAL 自然被相中，成為支線中常規成員。雖然話 SKY MEDAL 嘅機能設定係 30 年前嘅產物，但用上以 TRANSTAB 發泡材質製成嘅中底，保護性及舒適度絕對不比現今鞋款差。

今年度為 SKY MEDAL 鞋款面世第 30 個年頭，而 MIZUNO SPORTSTYLE 亦為鞋款帶來多個全新配色，復古球鞋美學又要沉淪一下了！