主打著名建築及地標嘅LEGO Icons系列，日前正式推出「10307 埃菲爾鐵塔」積木模型，零件數目多達10,001塊，僅次於最多件數嘅「31203 世界地圖」，完成組裝後更高達149cm，成為LEGO有史以嚟最高嘅模型。

模型參考原始建築結構由4個部分組成，忠實還原埃菲爾鐵塔圓拱、支架、交叉支撐(Cross Bracing)等幾何設計，上半部分設有觀景台及電梯，而地面細節亦唔馬虎，可以見到樹木、燈柱以及長櫈等裝飾。

「10307 埃菲爾鐵塔」價錢為$629.99美元（約$4,930港元），預計11月25日正式發售。