最近Netflix宣布將聯同傳奇影業製作《我的英雄學院》真人版電影，並搵嚟《今際之國的有栖》導演佐藤信介執導及監製，《Obi-Wan Kenobi》、《不死喪軍》編劇Joby Harold撰寫劇本，但改編自原作邊段劇情、演員陣容、上架日期等等就尚未公布。

由堀越耕平所創作嘅《我的英雄學院》廣受全球動漫迷喜愛，故事講述地球有80%人口都具有某種歸類為「個性」嘅超能力，有人會持住「個性」成為壞人，亦有人持住「個性」成為英雄，而主角綠谷出久就係一位天生冇「個性」嘅少年，卻自細憧憬成為一名英雄，即使困難重重亦朝著夢想進發。