《蠟筆小新》入面嘅野原廣志除咗愛妻兼顧家，最令人印象深刻莫過於堪比生化武器嘅「腳臭」，曾經多次喺危急關頭擊退敵人。最近有日本廠商就搵嚟廣志擔任除臭襪代言人，究竟呢對襪有咩神奇功效呢？

據日本襪廠SUKENO介紹，呢款襪採用強力除臭物料造成，無論除臭效能及速度上都遠高於公共機構制定嘅標準，更聲稱清洗10次後除臭效果仍能夠維持98%以上，而且除臭效果立笠見影，即著即見效，就連小新同美冴都感到不可思議。

SUKENO除臭襪將於2月開始發售，共有11種款式、每款各4種顏色，無論返工、做運動、平時出街都總會搵到一款啱你，價錢介乎770~990日元一對（約港幣$46~60），有興趣嘅朋友不妨留意一下。