相信大家都知，中國唔少「視頻網站」上嘅外國電影、劇集其實都係盜版，而且用戶數動輒上千萬甚至以億計，所以外國影視公司久唔久就會主動出擊希望取締。而近日中國新浪財經就報導，中國著名影視網站「人人視頻」被多間外國影視控告「著作權權屬、侵權糾紛，侵害作品信息網絡傳播權糾紛」，而且份原告名單包含幾乎所有一線荷里活影視公司，陣容極為豪華。

圖片：截圖自微博

據新浪財經於微博報導，「人人視頻」嘅母公司「上海眾多美網絡科技有限公司」日前新增十個開庭公告，全部都係同「人人視頻」上嘅荷里活電影、美劇侵劇有關，而原告人就包括Universal、Sony、Warner Bros.、20th Century Fox、Netflix以及Disney等多間荷里活一線片商。暫時未知一眾荷里活片商係組成「維權者聯盟」同時提告，定只係眾多美儲埋一次過公佈哂所有案件。

圖片：截圖自人人影視

據報，眾多美成立於2014年，旗下有美劇tv、韓劇tv、日劇tv等多個平台，用戶增一度高達1億6000萬。2021年時眾多美亦增捲入侵權風波，當時頻果嘅App Store將人人視頻個App下架，後來眾多美將平台改成「多多視頻」重生。另一邊視，人人視頻早前亦發出公告，表示會暫停平台上觀看影片精華片段嘅「快看」功能。