據日本《NHK靜岡放送局》報導，近日靜岡縣濱松市嘅一個沙灘上，突然出現一個宣徑約1.5米嘅「神秘鐵球」，最初報導指政府當局未知道個鐵球實際上係咩黎，但日本網民一睇就非常肯定：「撒亞人黎咗地球啦！」

【動画】海岸に謎の鉄球？

静岡県浜松市の遠州浜海岸に
直径１点５メートルほどの
金属製の球体が
打ち上げられているのが
見つかりました

警察が調べたところ
爆発の危険性はありませんが
どのような物かは詳しく
わかっていないということです pic.twitter.com/M8qpnfdWWy

— NHK静岡放送局 (@nhk_shizuoka_) February 21, 2023

從《NHK靜岡放送局》發佈嘅片段可見，呢個鐵球大致呈泥黃色，整體非常渾圓，表面仲有幾攤可能係鐵鏽，又有啲似燒黑嘅痕跡。《NHK靜岡放送局》亦報導，經當地警方初步調查，雖然暫時未知個波係咩黎，亦唔知入面有啲咩，但就應該冇爆炸危險。

而網民一見到個波，就不約而同諗起《龍珠》入面著名嘅撒亞人太空船。《龍珠》撒亞人篇中，拿迪斯、比達及立巴先後乘坐一款直徑大約1.5米、僅能屈坐其中嘅太空船抵達地球。後來亦揭露身為撒亞人嘅悟空，年幼時亦係坐同款太空船逃離比達星，甚至後來《娜美星篇》中，該款太空船亦多次出現，可謂整個《龍珠》系列中最具代表性嘅載具。

They arrived pic.twitter.com/oJMa7XkhWs

— ???? (@ra_an509) February 21, 2023

亦因如此，唔少網民都轉載有關報導，笑稱「撒亞人終於黎啦！」、「連個大小都差唔多」。另外亦有網民指出個波有啲似《GANTZ》入面個神秘黑球。而較為現實嘅網民就估計可能係用黎拆樓嘅撞擊鐵球。而後來就證實，該鐵球係一個鬆脫嘅海上浮標。