自從Johnny Depp數年前堪入與前妻Amber Heard嘅家暴風波，佢就幾乎於影壇絕跡，即使去年美國法院判Johnny Depp勝訴，都未見佢於幕前有重要演出。不過，佢有份主演嘅法國電影《Jeanne du Barry (直譯：杜巴利伯爵夫人)》就即將成為5月法國康城影展嘅開幕電影，而Johnny Depp於戲中更係飾演法國國王路易十五，唔知會唔會象徵住佢王者歸來呢？

《Jeanne du Barry》由法國女演員Maïwenn (麥雯)主演，而佢同時亦係電影導演兼編劇之一。電影以18世紀法國國王路易十五 (Johnny Depp飾) 嘅情婦Jeanne Becu為主角，講述佢由一名平凡私生女變成法國著名交際花，再一步步攀上成為路易十五情婦，入住凡爾賽宮嘅經過。

值得一提嘅係，整部電影都係法語對白，Johnny Depp亦係全法語演出。另外Netflix會負責電影嘅發行，不過由於法國方面嘅管制，Netflix要等院線上映嘅15個月後先可以將電影作線上播出，而且只限法國當地。所以目前未合其他國家地區嘅觀眾可以點睇到Johnny Depp嘅回歸之作。