近年唔少集玩式卡牌式遊戲都掀起炒風，其中《Pokemon》嘅稀有卡牌價格更加係越炒越誇張，嚴重影響遊戲生態。有見及此，近日日本秋葉原有間卡鋪就決定推出新措施，設立「學生專區」，等一眾真正嘅玩家能夠繼續享受遊戲。

【商品情報】

1Fにて中学生以下のお客様限定で
パック販売を行っております

各パック当日分がなくなり次第販売終了となります

※おひとり様1日合計10パックまで
※スタッフが年齢確認をさせて頂く場合がございます
※保護者様含むご本人以外の代理購入はご遠慮いただいております pic.twitter.com/KIleztqZWn

— 晴れる屋2 (アキバのポケカ専門店/ハレツー) (@hareruya2pokeca) May 2, 2023

卻說《Pokemon》卡近年成為唔少炒家嘅目標，唔少人更加係「只炒不玩」，有人「高追」稀有卡牌，亦有人大肆搜括市面上嘅卡包，希望開出賣到好價錢嘅稀有卡，結果就令到一眾真正拎啲牌黎玩嘅人 (以中小學生為大多數) 難以入手，嚴重影響整個圈子嘅生態。

理論上賣卡嘅卡鋪可以坐享漁人之利，甚至加入炒埋一份。但秋葉原卡鋪「晴れる屋2」近日喺Twitter宣佈新措施，表示由即日起店舖一樓為「中學生以下專區」，只有學生能夠入內購買卡包，而且講到明每人每日只可以買10包，店員會檢查客人嘅年齡，亦禁止家長或者其他人代學生購買。簡單黎講就即係確保卡包能夠落到真玩家們嘅手上。

ド正論で草#ポケカ #ポケモンカード #転売#Ｎキャス #情報7DAYSニュースキャスター pic.twitter.com/Tljb2dGgS5

— tak~μ’sic Forever~ (@tak_GBP) April 22, 2023

雖然「晴れる屋2」嘅其他樓層依然有出售「炒卡」，網民亦指出炒家們大可以畀錢小朋友去幫手入貨，但設立學生專區依然係一個對玩家們友善嘅措施。

早前《Pokemon》推出《朱/紫》版本新卡牌，當中最珍貴嘅「奇樹SAR」一度炒上26萬Yen，結果一眾小學生接受電視台訪問時狠批「呢啲嘢咁丟假我真係做唔出」、「希望你班大人好好地去做嘢搵錢」、「將來我唔想做一個剝奪小朋友幸福嘅大人」。得到日本網民大力支持。