任天堂除咗整Game出名之外，佢哋強而有力、能夠迅速高效地打擊地球上任何一個角落、任何版權侵犯行為嘅法務團隊，同樣於Game界享負盛名。不過睇黎任天堂法務團隊就真係高效得滯，因為佢哋近日「誤殺」埋任天堂遊戲《薩爾達傳說》個官方Twitter。

卻說任天堂旗下大作《薩爾達傳說 王國之淚》將於本週五正式開售，近日網絡上就已經出現唔少「偷跑」資訊，包括遊戲內容文件、美術圖片、甚至仲有盜版遊戲，而任天堂法務部就出盡全力將所有資訊下架。不過有網民發現，《薩爾達傳說》個官方Twitter於5月3日發佈嘅一張《王國之淚》機制介紹圖片，竟然一度因為「版權擁有者嘅回報」而被系統刪除，似乎就係被任天堂法務部誤傷。該帖文去到5月8日晚上先回復正常，但就已經成為唔少日本網民嘅熱話。

【武器がパワーアップ】
魔物が落とす「角」や「牙」なども、スクラビルドで武器にくっつけることができます。
鋭く硬い素材は、その分攻撃力がアップします。#ゼルダの伝説 #TearsOfTheKingdom pic.twitter.com/TZy6jLb6ib

— ゼルダの伝説 (@ZeldaOfficialJP) May 3, 2023