改編自Mario遊戲系列嘅《超級瑪利歐兄弟大電影》大受歡迎，全球斬獲超過11億美元票房，榮登2023年全球票房冠軍，並成為影史上最賣座遊戲改編電影。與此同時，唔少機迷亦希望任天堂能夠乘勝追擊，將其他人氣IP搬上大銀幕。

眼見成功案例在前，最近《薩爾達傳說：王國之淚》製作人青沼英二及遊戲總監藤林秀麿接受外媒《Polygon》訪問時透露，兩人都對《薩爾達傳說》改編成動畫電影非常有興趣，但單單「有興趣」並唔能夠成事，而藤林秀麿則補充，如果想改編成電影，Fans們嘅聲音亦非常重要。

順帶一提，「Mario之父」宮本茂上月接受《日本經濟新聞》訪問時曾明確表示，未來肯定會製作更多影視作品，並將任天堂比喻為「藝人事務所」，有好多藝人準備演出，不過就冇透露後續計劃內容。

資料來源：Polygon、日本經濟新聞