經歷多次延期嘅DC大作《Aquaman and the Lost Kingdom（水行俠2）》將於今年12月20日正式上映，昨日官方就率先公開30秒前導預告，而正式預告將於本周五推出。

從片中可見，首集反派「黑蝠魟 Black Manta」將會捲土重來，不惜一切代價誓要為父報仇，並手持暗黑三叉戟高喊：「我要殺死水行俠，摧毀他珍愛及重視的一切。」隨後畫面一轉，就係水行俠老家遭縱火嘅鏡頭，隱約見到Amber Heard所飾演嘅Mera公主跟隨水行俠跑向火場。

先前有消息指Amber Heard嘅戲份將被大幅刪減，但實情仲有幾多戲份，就要等到電影正式上映先能夠揭曉。唔知星期五推出嘅正式預告，會唔會有Amber Heard嘅大頭畫面呢，定抑或會繼續神隱？