由Michael B. Jordan自導自演，今年初上映嘅《Creed III（洛奇系列：王者之後3）》叫好又叫座，全球累計票房高達2.75億美元，成為洛奇外傳系列中最賣座嘅作品。近日官方就正式落實開拍第4集，Michael B. Jordan亦會回歸主演兼執導。

《Creed》系列監製Irwin Winkler日前接受《Deadline》訪問時透露：「我哋正在籌拍《Creed 4》，我哋有一個非常好嘅故事以及非常好嘅情節。不過，由於早前嘅罷工行動導致進度落後，大約一年後進入進期製作階段。」與此同時，Irwin Winkler亦證實Michael B. Jordan將回歸執導以及扮演主角Donnie ，並大讚對方做得非常好，面對鏡頭非常自在。

順帶一提，今年3月Michael B. Jordan曾與Amazon商討，計劃進一步擴展《Creed》宇宙推出更多電影及劇集，唔知第時會唔會更多人物外傳睇呢？