由Zack Snyder開創嘅DCEU將於《水行俠2》上映後正式完結，接著落嚟就係James Gunn操刀嘅全新DC宇宙。

隨住《Aquaman and the Lost Kingdom（水行俠與失落王國）》將於12月20日正式上映，官方日前率先公開角色海報以及4款不同放映格式電影報，向觀眾揭示三位主演嘅人生關鍵詞，分別係水行俠「Protect（保家衛國）」、奧姆「Redeem（贖罪）」以及黑蝠魟嘅「Avenge（復仇）」。

《水行俠與失落王國》依舊西溫子仁執導，David Leslie Johnson-McGoldrick執筆劇本。故事講述「水行俠」Arthur已升格為人父並育有一子，盡享天倫之樂，但好景不常，首集反派「黑蝠魟」 Black Manta手持遠古神器黑色三叉戟捲土重來，誓要為父報仇。為打敗呢位強大敵人，Arthur只好求助亞特蘭提斯前任國王、同母異父哥哥Orm，拋開成見合力拯救整個王國。