一般嘅「LEGO神人」，大多都係用LEGO盡力去還原現實生活中嘅各種物件，但你又有冇諗過原來「還原場景」，仲要係AV場景都可以係一種LEGO創作？台灣有位LEGO神人「深夜小峰」就開設Facebook專頁「樂高深夜劇場」，創作出還原各種AV場景嘅LEGO作品，仲要每個作品都附上「創作心得」——即係AV番號——可以非常有心！

據媒體報導，於電子廠工作嘅「深夜小峰」於四年前因為受到外國LEGO玩家創作嘅「LEGO AV」啟發，於是自己開始創作「日本AV場景LEGO」，多年黎創作出超過100件作品。而其「選材」多來自台灣當地嘅新聞報導 (例如日本著名乒乓球手福原愛偷食等)，以及各類型劇情向AV，當中包括飛機、監獄、按摩室、學校等場景，當然亦有AV聖地之一「那個泳池 (あのプール)」。佢亦曾於專頁中提到自己最鍾意嘅女優為「楪可憐」，所以唔少LEGO作品嘅靈感都係來自「楪可憐」嘅演出。

「深夜小峰」表示，每件作品大約需要40-50分鐘創作，如果場景較為複雜的話更可以要近個半鐘。另外除咗還原場景之外，佢仲會用LEGO人仔去還原「動作部份」，更參考外國玩家嘅手法，為「LEGO男優」配上「一條兩粒」整套器官。

資料來源：樂高深夜劇場