著名「割草」遊戲《真‧三國無雙》系列睽違6年終於迎來新作！今次玩家將會扮演一位無名英雄，攜手一眾三國武將闖蕩亂世，享受一騎當千嘅快感。

KOEI TECMO於今日舉行嘅「State of Play」發布會公開《真‧三國無雙》系列最新作《真‧三國無雙 起源（真・三國無双 ORIGINS）》，官方強調本作將回到系列原點，讓玩家享受一騎當千嘅快感及率軍前行嘅臨場感。玩法方面，目前只知玩家將會扮演一位無名英雄征戰沙場，至於能否控制其他武將、係咪開放式世界、有冇攻城戰等等仍有待官方公布，預計2025年內於PlayStation 5、Xbox Series X/S、PC等多個平台上架。