最近PC遊戲平台Steam宣布推出「親友群組（Steam Families）」功能，讓用家能夠與最多5名「家人」組成群組（需要相同地區/國家），群內所有用戶將共享遊戲收藏庫。換言之1個人購買遊戲，其他5人都能夠享用，而且每位成員都會自動建立獨自嘅遊戲存檔、進度及成就，無須共用存檔。

雖然可以共享遊戲，但呢個功能亦有唔少限制，例如群組內只有1份《GTA5》的話，咁同時間只能有1位成員開啟《GTA5》，如果想2位或以上成員同時遊玩《GTA5》，咁群組內就需要2份或以上嘅《GTA5》。除此之外，如果用戶離開既有家庭群組，需要等待一年時間冷卻期先能夠建立或加入新嘅群組。而且當群組內有人因為用外掛玩遊戲而被封鎖，其他家庭成員亦會受到牽連，所以大家請慎選「家人」。

順帶一提，並非所有遊戲都支持親友共享，完全取決於開發商意願，詳情可以參考呢個List，睇下有咩遊戲支援共享。