{ SKIP }
文:MenClub 艾力克  
POSTED ON 18 Oct 2024

數年前,國際名導Christopher Nolan因為不滿華納兄弟戲院/串流平台同步上映政策,決定轉投環球影業開拍《Oppenheimer》,結束雙方長達20年合作關係。最近有消息指,即使華納兄弟開出七位數美元支票極力遊說,Nolan依然沒有回心轉意,繼續選擇與環球影業合作新片。

Christopher Nolan自2002年《Insomnia(白夜追兇)》與華納兄弟結緣,雙方在二十年期間共拍出9部電影,當中包括「The Dark Knight Trilogy(蝙蝠俠三部曲)」、《Inception(潛行凶間)》、《Interstellar(星際啟示錄)》等令人不禁翻睇又翻睇嘅經典作品。

然而在2020年,耗資2億美元嘅《TENET》因疫情陷入上映危機,當時Christopher Nolan為咗令電影能在大銀幕上映,決定放棄部份酬勞,堅守到戲院重開。雖然《TENET》最後成功在大銀幕上映,但票房卻不如預期,全球僅收3.659億美元。

或者係眼見Christopher Nolan呢啲票房保證都無法救市,時任華納媒體行政總裁Jason Kilar於同年12月宣布,將2021年發行嘅所有電影改由戲院與串流平台HBO Max(現稱Max)同步上架。此舉令身為「戲院體驗派」嘅Christopher Nolan非常不滿,甚更公開指責華納糟蹋電影,最後決定離開華納,轉投新東主環球影業懷抱,製作全新力作《Oppenheimer》,並一舉奪得奧斯卡7項大獎。

隨住華納媒體於2022年與Discovery合併成華納兄弟探索(Warner Bros. Discovery),高層大執位,消息指華納新高層曾聯繫Christopher Nolan,期望對方能夠回歸,並開出一張7位數美元支票,以彌補Nolan當年在《TENET》放棄嘅酬勞,不過仍然未能令Nolan回心轉意。對此,外媒《Variety》就引述查普曼大學電影與媒體藝術學院院長Stephen Galloway表示:「對Nolan嚟講,最重要係電影如何發行、行銷策略是否正確、有冇足夠嘅Imax影廳上映,以及能否讓他自由創作。拍攝《Oppenheimer》期間,環球影業全部都畀到佢,佢有咩理由唔選擇環球呢?」

Matt Damon於《Oppenheimer》扮演Leslie Groves將軍。

根據最新消息,Christopher Nolan下部作品將再次與環球影業合作,預計2026年7月17日以Imax格式上映,目前劇情細節仍然保密,但有消息指Matt Damon正洽談擔任主角。

資料來源:Variety
雖然於《蠟筆小新》嘅故事中,經常強調爸爸廣志人工低,又要供樓又要養家,日子過得唔算豐裕,但近年唔少Fans都指出,小新屋企唔單止環境清幽、而且仲係兩層高獨立屋,似乎佢哋並無當年大家印象中咁窮。但如果實際上 ...
hobby
【動漫】花費超過300萬人民幣 中國Fans1:1還原《蠟筆小新》屋企
22 Jan 2025
隨住高達最新作《高達GQuuuuuuX》先行劇場版《高達GQuuuuuuX -Beginning-》上周五於日本正式上映,官方在昨晚推出全新預告,揭示更多劇情細節。由於片中所透露嘅資訊量實在太大,就連官方都要喺影片標題加入「劇透警 ...
hobby
【動畫】《高達GQuuuuuuX》先行劇場版公開全新預告 揭示「那個男人」將驚喜登場!
21 Jan 2025