由KOTAKE CREATE開發嘅步行模擬遊戲《8號出口》，憑藉獨特通關機制及恐怖氛圍，推出後迅速成為話題之作。如今東寶就宣布將改編成真人版電影，並同步公開首部宣傳片，預計2025年在日本上映。

《8號出口》係一款第一人稱視角懸疑解謎遊戲，玩家將會置身於日本車站地下通道，目標係尋找8號出口，但實際上無論你點樣行，都會好似「鬼揞眼」咁不斷係重覆回到相同嘅景場。通關方法係需要搵出場景中嘅異象，如果發現異象就要立即掉頭，而一切正常就照直行，直至去到8號出口為止，否則將永遠困在無限迴廊之中。

遊戲開發商KOTAKE CREATE表示，佢哋起初都非常好奇一款冇故事情節嘅遊戲，究竟可以點樣拍成電影，但後來發現呢部電影非常有趣，而且保留了原作世界觀跟氣氛。除此之外，當佢哋參觀片場，見到地下通道同嗰位詭異大叔時，一切都感覺非常神奇，希望大家能夠期待呢一部電影。