{ SKIP }
文:MenClub 魏文青  
POSTED ON 24 Jan 2025

早前同大家報導過,Warner Bros. 決定將奉俊旲執導、Robert Pattinson主演嘅科幻電影《Mickey 17》提早於美國時間3月7日上映,換言之仲有個半月左右大家就可以睇到呢位金像導演嘅第三部荷里活作品。而近日奉俊昊唔單止拉埋Robert Pattinson去韓國做宣傳,Warner Bros. 亦同時公佈次回預告,而且香港上映時間亦確定為3月6日。

次回預告嘅「荒誕喜劇」感雖然比起上年9月公佈嘅首條預告更濃厚,但其實兩者架構大致相同,都係交代咗Robert Pattinson飾演嘅Mickey Barnes,似乎於冇睇清條文嘅狀態下就應徵成為外星任務嘅「先耗員」,隨後就被送到太空殖民地進行各種高危、甚至可以話係自殺式嘅任務。而每當Mickey死去,太空殖民地就會重新「列印」一個裏裏外外都一模一樣嘅佢出黎替代。而故事就發生於「Mickey 17」於某次任務中被斷定死去,但其實佢生還而且成功回到殖民地,結果發現人哋已經將「Mickey 18」列印出黎,而殖民地有規定只要出現「多重體」,所有個體都會被摧毀。

但相比起第一條預告,次回預告嘅中後段多咗啲兩個Mickey一齊於戶外進行某個活動或任務嘅場境,而且配上字卡「他拼死 保護人類」、又有「Naomi Ackie」說出「我們正在戰爭狀態,存亡岌岌可危」,似乎代表兩個Mickey與殖民地嘅存亡息息相關。至於故事究竟係點發展,或者就要等大家3月6日入場先會知啦。

作為一個哥斯拉Fans,買個咁嘅鎚仔看門口,係好合情合理嘅。 日本金屬器具廠商Castem最近同哥斯拉官方攜手合作,以2001年電影《哥斯拉 大怪獸總攻擊》所使用哥斯拉服裝為藍本,透過先進嘅3D掃瞄技術,精準 ...
hobby
【奇趣】日本廠商推出「哥斯拉腳」造型鎚仔 3D掃瞄忠實還原腳部細節
23 Apr 2025
繼《Barbie》真人版電影大賣後,著名連續玩具店「玩具反斗城」(Toys R Us)亦宣布要推出真人版電影!據稱,電影劇本將會參考《翻生侏羅館》(Night at the Museum)系列,話唔定觀眾可以見到一眾經典玩具喺舖頭關門後變 ...
hobby
【影視】玩具反斗城宣布籌拍真人版電影 將從《翻生侏羅館》《回到未來》汲取靈感
23 Apr 2025