{ SKIP }
文:MenClub 魏文青  
POSTED ON 13 Feb 2025

作為本年度遊戲界嘅頭號大事,《GTA 6》嘅一舉一動都收到業界及玩家關注。繼早前有關《GTA 6》會否打破「3A遊戲只會賣70美元」慣例嘅討論,近日又有關於《GTA 6》(暫時)冇出PC版嘅議題興起。

話說近來唔少遊戲都係主機、PC甚至加埋Switch等多平台同時發售(例如《Civilzation 7》),但目前《GTA 6》只公佈會於PS5以及Xbox Series X/S 兩個主機平台推出,忽視近年越見強大嘅PC玩家群之外,兩大主機本身銷情並不理想亦令人對《GTA 6》嘅銷售數字產生疑問。

近日Take-Two (《GTA》系列開發商Rockstar嘅母公司)CEO Strauss Zelnick接受外媒《IGN》訪問時,就表示「我哋嘅遊戲唔係一定會多平台同時發售,而Rockstar更係有先出某啲平台,之後慢慢發展至其他平台嘅慣常做法」。換言之就即係《GTA 6》應該會有PC版,但「慢慢發展」係幾時仲係未知之數。

Strauss Zelnick於訪問亦表示,雖然PC版遊戲可能佔整體遊戲銷售嘅40%、佢亦同意PC玩家群變得越黎越重要,而且亦冇否認PS5及Xbox Series X/S嘅銷情比PC又或Switch差,但佢同時亦指出「當有大作面世——而我哋將會推出好多大作——歷史上都會帶動主機銷售」,亦即佢有信心《GTA 6》嘅吸引力可以令大家「為隻Game買部機」,所以唔使擔心《GTA 6》銷售之外,仲可以順手帶動兩大主機嘅銷售。

有趣嘅係,《IGN》報導下方有心水清嘅網民留言,表示Take-Two及Rockstar根本就唔會擔心遊戲銷情被主機銷情拖累。事關過去《GTA 5》嘅策略之一,就係隨住新主機而推出新版本,換言之一個PS玩家可能於PS3、PS4、PS5年代都分別買過《GTA 5》,甚至當PC版推出時又為更好畫質以及使用各種Mod再買一次,所以將不同版本分開買反而會賺得更多。

根據Rockstar過往做法,PC版通常會於主機版推出後一到兩年面世,換言之PC版《GTA 6》最快都要到2026年底先見街,唔知各位PC玩家係打算等,定係科水買主機「早買早享受」呢?

資料來源:IGN

向來創意十足嘅日本日清,為咗令Fans可以食到完美嘅元祖雞汁即食麵加蛋,佢哋用咗整整一年時間研發,終於製作出一款「黃色小雞」造型嘅專用泡麵碗「しろたまメイカー(白玉製造機)」。呢款神器可以保證蛋白熟透但蛋 ...
hobby
【奇趣】每次都能做出完美太陽蛋即食麵!日清推「黃色小雞」造型泡麵碗
05 Jun 2025
Sony互動娛樂(SIE)今日在State of Play發布會上,公開PlayStation首款官方無線格鬥搖桿「Project Defiant」,採用極低延遲嘅PlayStation Link技術連接,並支援PS5及PC雙平台,預計2026年正式發售。各位格鬥遊戲迷 ...
hobby
【電玩】SONY推出自家首款無線格鬥搖桿「Project Defiant」 支援PS5及PC、預計2026年推出
05 Jun 2025