{ SKIP }
文:MenClub 魏文青  
POSTED ON 18 Feb 2025

作為日本推理漫畫兩大山脈之一,《金田一少年事件簿》自1992年起開始連載,至今已經33年,期間漫畫亦經歷多個「季度」,而且金田一嘅身份亦隨時間有變。而繼去年完結嘅《金田一37歲事件簿》中嘅「中年社畜」之後,喺今年1月開始嘅新連載中,金田一就晉身爸爸,同美雪有個叫「九十九」、讀緊小學一年級嘅仔,而新作名稱亦叫做《金田一爸爸事件簿》!

其實於《金田一37歲事件簿》嘅最後,因為做空姐飛黎飛去一直只聞其聲不見其人嘅美雪終於出現,並宣佈自己懷孕、金田一即將要做爸爸。而考慮到美雪賺嘅錢比自己多,所以金田一決定辭去剛剛升任為課長嘅工作,改做「家庭主夫」,同時開設自己嘅偵探事務所。

而新作《金田一爸爸事件簿》就係延續呢個設定,不過時間再往前七年,金田一同美雪個仔「九十九」已經讀緊小學一年班——換言之金田一同美雪已經四十四、五歲——而金田一則一邊經營自己間噏耷偵探社、一邊照顧九十九嘅起居飲食。

金田一九十九

事目前於講談社網站上免費更新嘅首兩話,除咗交待故事背景,以及展現「九十九」都有唔錯嘅推理能力之外,最重要嘅就係開始查案。話說金田一接到一個用AI聲音講嘢嘅電話,揚言要出100萬Yen要求金田一幫佢尋找「某件東西」。而因為急住要錢交租,所以金田一就決定帶埋「九十九」去到一棟廢棄建築,隨後更遇上另外四個同樣接到委託嘅偵探。

值得一提嘅係,《金田一爸爸事件簿》冇因為「九十九」嘅出現而變得「闔家歡化」,一樣都係以謀殺案為主——真係唔敢想像對九十九嘅成長有咩影響呀。

資料來源:comic-days.com

喺《星球大戰》後傳三部曲飾演「Kylo Ren/Ben Solo」嘅Adam Driver,早前接受訪問時爆料,指自己曾與名導Steven Soderbergh合作開發一部名為《The Hunt for Ben Solo》嘅外傳電影,並獲得Lucasfilm全力支持,但最終 ...
hobby
【影視】星戰迷買下紐約百老匯大道廣告牌 要求迪士尼開拍「Ben Solo」外傳電影
28 Oct 2025
以日本明治時代為背景、集結多位實力派演員嘅Netflix新劇《武士生死鬥》,近日正式公開預告,鍾意武士題材嘅觀眾請勿錯過! iframe width="560" height="315" src="https://www.youtube.com/embed/fpmPNQ_VNQY?si ...
hobby
【影視】Netflix新劇《武士生死鬥》預告公開 292名武士為巨額獎金展開血腥生死戰
28 Oct 2025