由藤本樹創作嘅超人氣漫畫《鏈鋸人》，今日喺ACG年度盛會AnimeJapan 2025正式宣布，最新劇場版動畫《鏈鋸人 蕾潔篇》將於9月19日在日本上映。暫時未知香港幾時有得睇。

劇場版電影《鏈鋸人 蕾潔篇》將銜接第一季動畫故事，由吉原達矢接棒執導（第一季動畫導演係中山龍），MAPPA負責製作，並搵嚟實力派聲優上田麗奈聲演謎之少女「蕾潔」。預計故事會改編自原作漫畫第39話至52話，講述淀治在電話亭避雨期間邂逅了蕾潔，並被對方迷得神魂顛倒，相繼爆出「我個心被蕾潔奪走了」、「超絕爆裂可愛」等經典對白。然而呢位外表清純、看似人畜無害嘅少女，背後其實埋藏住不為人知嘅祕密。

除此之外，官方亦同步公開30秒全新宣傳片及角色全身圖，人物部份細節同首季動畫有少少出入。