由任天堂及Sony Pictures聯手製作嘅《薩爾達傳說》真人版電影，今日正式宣布進入拍攝階段，並同步公開首批劇照，率先揭曉兩位主角造型！

從劇照可見，由Bo Bragason飾演嘅薩爾達公主同Benjamin Evan Ainsworth飾演嘅林克，置身於紐西蘭嘅壯麗草原上凝望遠方。其中林克身穿經典深綠色束腰外衣；而薩爾達則著上一套類似《薩爾達傳說：曠野之息》風格嘅藍色長袍，並手持一把弓箭。就現時公開嘅資料嚟睇，仍然唔清楚電影會改編自邊一部遊戲原著，定還是基於遊戲世界觀嘅全新原創劇情。不過見到薩爾達拎晒武器、眼神又咁堅定，希望佢今次唔會只係被救，而係可以同林克並肩作戰啦。

《薩爾達傳說》真人版電影由宮本茂以及曾監製《Venom》、《Spider-Man：Into the Spider-Verse》、《Iron Man》等大片嘅Avi Arad共同擔任製作人，並由《The Maze Runner（移動迷宮）》三部曲導演Wes Ball執導、T.S Nowlin負責擴寫劇本，預計2027年5月7日上映。

宮本です。素晴らしい大自然で、ゼルダ役のBo Bragasonさん、リンク役のBenjamin Evan Ainsworthさんとともに「ゼルダの伝説」実写映画の撮影を本格的に開始しました。撮影は順調に進んでいますので静かに見守っていただけると幸いです。劇場公開は2027年5月7日予定です。もうしばらくお待ちください。 pic.twitter.com/DbSAWWcCpC

— 任天堂株式会社 (@Nintendo) November 17, 2025