唔少人都會於履歷寫自己有咩工餘興趣，不過亦有人認為如果你嘅興趣係打機，就不如唔好寫落去。但如果你係想應徵遊戲開發者嘅工作，就可能唔單止要寫你鐘意打機，而且仲要寫埋你嘅遊玩時間。好似遊戲《Palworld》嘅開發者Pocketpair嘅CEO 溝部拓郎近日就於X上發文，表示應徵者嘅履歷中如果無Steam嘅遊玩紀錄及時間，就會直接Foul走，連面試機會無！

《Palworld》

溝部拓郎

圖片：https://x.com/urokuta_ja/status/1768452786826760638?s=20

溝部拓郎近日就於X上發文分享公司招聘遊戲設計師嘅準則，表示Pocketpair要求每個應徵者都要提交自己嘅Steam遊玩紀錄嘅截圖，如果唔係就會直接淘汰連面試機會都無。溝部拓郎亦指面試時公司會按應徵者遊玩時間最長嘅遊戲作出提問，例如「講解下呢隻Game嘅設計特點」、「點解會咁設計」、「同其他同類Game有咩唔同」等等。

隨後佢亦補充指，如果應徵者於PS5或者Xbox等主機平台上有大量遊戲經驗的話，亦可以於申請工作時附上相關截圖；不過如果Steam嘅數量係零的話，一樣唔會被採納。溝部拓郎解釋指好多創新及獨特嘅獨立遊戲都只能於Steam上玩到，而佢希望公司嘅設計師都可以從中吸收學習，所以一定要有玩過Steam遊戲嘅經歷。

資料來源：GameSpot