鐵道迷福音日本「現美新幹線」

文：MenClub 魏文青　　
POSTED ON 12 Oct 2015

當你坐上香港鐵道只會見到一地都係喼同車仔嘅同時，日本JR就好努力咁將自己嘅列車變成一列列藝術品。就好似之前介紹過嘅「EVA新幹線」、「九州幻之豪華列車」咁，架列車本身就係一個景點黎。佢黎緊仲諗住將列車整成一件藝術品添！

呢個名為「現美新幹線(Genbi Shinkanshen)」嘅計劃，邀請咗多位日本藝術家，將行走「上越新幹線」嘅其中一列列車改造成「世界上最快嘅藝術館」。當中包括松本尚(畫家)、小牟田悠介(平面)、古武家賢太郎(畫家)、Paremodel(畫家、彫刻)、石川直樹(攝影)、荒神明香(立體)以及Bryan Alfred(影片)。而列車嘅外層裝飾更加係蜷川実花於長岡煙花大會影嘅相，好鬼靚囉成件事！

列車會由2016年春天開始行走「新澙」至「越後湯沢」。萬一我份人就係一個藝術盲又點算呢？據稱車上面嘅Cafe仲會提供漁沼市出產嘅越光米，以及佐渡島牛奶所製嘅牛油，兩樣都係新澙縣有名嘅土產黎架！
JR Genbi