日本兩大「超人」系列，「拉打」幪面超人越拍越潮，反而咸蛋超人(Ultraman)就有越拍越頹之感，唔係近期多咗個「三百萬光年美少女」我都唔知原來新一輯《Ultraman X》已經播緊。新咸蛋超人你未必鍾意，但昭和年代嘅咸蛋超人(同怪獸)你實有啲情意結嘅！以下呢三隻「Independent x A Man of Ultra」嘅錶，你又有冇興趣？ 

超人吉田版以白底襯上紅色指針同時間刻度。再加返個紅色「M78」字樣，配上金屬錶帶，簡潔得黎又高級。

達達版同吉田版有幾分相似，都係白色為主，不過錶帶就用上矽膠，據稱係為咗模仿達達嘅表皮；粉紅色嘅指針就係模仿佢個咀唇。至於個錶盤上面嘅當然就係達達身上嘅花紋，不過為咗方便用家睇時間，所以就由黑色變做灰色。

作為第一隻打敗(甚至打爆)超人吉田嘅怪獸，宇宙恐龍都算係系列之中嘅名怪物。全隻黑色金屬錶殼，錶盤12點鍾位置同小錶盤嘅鮮黃色就係模仿宇宙恐龍塊面同心口嘅黃色部份。