{ SKIP }
文:MenClub 魏文青  
POSTED ON 20 Nov 2015
好多人以為鍾意動漫就一定係毒L、而毒L就一定係窮,所以鍾意動漫嘅就一定係係窮。我唔會話佢係錯,不過好多人都會搞錯個因果關係--我哋唔係因為窮冇街去先鍾意動漫,而係因為我哋鍾意動漫所以先搞到咁_窮!事實上毒L們嘅購買力係絕對不容忽視--唔想你睇下美國Cross同Star Wars最新出嘅豪華鋼筆,又23kt金又Swarovski又盛咁!


呢一套三款Cross x Star Wars鋼筆以Cross嘅「Townsend」系列為基礎,再加上三個不同Star Wars人物嘅特色設計而成。至於係邊三個人物?就咁睇圖到見一支金、一支白、一支黑你都估到係C-3PO、白兵同Darth Vader啦?

C-3PO版幾乎成支筆身(個面)都用上23kt金所造,筆蓋頂就刻有模仿C-3PO對眼嘅圓紋;白兵版就係黑白色為主,筆蓋頂嘅就係模仿白兵頭盔入氣位嘅網紋;黑武士版就最型棍,全黑筆桿配以Swarovski出品嘅紅水晶,不過略嫌唔夠《Star Wars》咁囉。


三款鋼筆售價都係575美金(約4500港紙),而且都有走珠筆同鋼筆頭兩種。目前可以喺Cross官網買到--雖然唔送香港,但官網話可以聯絡香港分公司喎!


很想要,但咁唔好彩你真係一個窮L?Cross都有出一套三款啫喱筆,每支盛惠45美金(約350港紙),連埋本記事簿一齊買都只係75美金(約580港紙)。平有平玩、貴有貴玩囉!
Cross
Robert Downey Jr. (RDJ) 以及 Ryan Reynolds都係充滿個人魅力及性格嘅當紅演員,不過或者就係因為佢哋太有性格,所以近日就傳出二人於《Avengers: Doomsday》嘅片場中炒大鑊,甚至要Marvel介入先平息事件。另一方面 ...
hobby
【影視】網傳RDJ與死侍於《Doomsday》片場炒大鑊 消息人士闢謠:「佢兩個都無見過面」
28 Aug 2025
1 最近一款以港式警匪片為題材嘅雙人合作遊戲《港警成雙:來自城寨》公開首部預告,除咗還原出舊式唐樓、九龍城寨、霓虹街道等香港特色場景,仲要有爆晒粗嘅粵語配音對白,而且兩位主角仲有啲似甄子丹同劉德華... ...
hobby
【電玩】 雙人合作遊戲《港警成雙:來自城寨》預告公開 港產警匪片劇情+粵語配音+港式武打
27 Aug 2025