我認為作為籃球員嘅最大成就，唔係佢射入幾遠嘅三分波，唔係佢舞到啲防守球員波皮都搵唔到，甚至唔係佢拎過總冠軍同MVP(當然呢啲都係好勁)，而係佢令到平時冇留意開籃球嘅人(例如我)，都會因為佢而留意；而到佢哋離開，連敵人都會為佢鼓掌。歷年黎，無數咁多個經典球星做到呢樣嘢，波神佐敦，魔術莊遜，啱啱入咗名人堂嘅AI、甚至姚明，數之不盡。而黎緊嘅星期四上晝，就會有一個「新」人加入佢哋，佢就係高比拜仁。